നീ എനിക്ക് ആരാണ് ?
ചോദ്യങ്ങള് എന്റെ നേരെ നീളുമ്പോള്
നിശബ്ദതയില് കൂട് കൂട്ടുന്നു ഞാന്
ആരോ ഒരാള് ...
വഴിയാത്രക്കാരിയെന്നോ സഹയാത്രികയെന്നോ
എന്താണ് പറയേണ്ടത് ?
ബന്ധങ്ങള്..
ഇപ്പോള് തീര്ത്തും ലളിതമായ വലകളല്ലേ
പഴയവ പൊട്ടിച്ചെറിഞ്ഞു നിമിഷര്ധത്തില് പുതിയവ മെനയാം
കാഴ്ചയില് നിന്ന് മറയും മുന്പേ മറവിയില് പെടുന്നു പലരും
ഒരേ വേഗതയില് ഇരു ദിശകളിലേക്ക് നടന്നു
ഒരേ വേഗതയില് ഇരു ദിശകളിലേക്ക് നടന്നു
അടുക്കുകയും അകലുകയും ചെയ്യുന്ന വെറും രൂപങ്ങള്
വന്നു ചേരലിന്റെ ലഹരിയില് നഷ്ടങ്ങള് അറിയുന്നതേയില്ല ആരും
ഉപേക്ഷിച്ചവരും ഉപേക്ഷിക്കപ്പെട്ടവരും
മുഖങ്ങള് മാത്രമേ മാറുന്നുള്ളൂ
കഥയും കഥാപാത്രങ്ങളും ഒന്ന് തന്നെ
ഇവിടെ നഷ്ടപ്പെടലും സ്വന്തമാക്കലുമില്ല
വെറും ഒഴുക്ക്ക് മാത്രം
നീയും ഞാനും ഇല്ല
നമ്മുടെതായി സ്നേഹവും സങ്കല്പങ്ങളും ഇല്ല
ഒന്നില് നിന്നും മറ്റൊന്നിലേയ്ക്ക് ഒഴുകി മാറുന്ന രൂപങ്ങള് മാത്രം
ഒന്നില് നിന്നും മറ്റൊന്നിലേയ്ക്ക് ഒഴുകി മാറുന്ന രൂപങ്ങള് മാത്രം
പഴയവ ഫോര്മാറ്റ് ചെയ്തു
പുതിയ തുടക്കങ്ങളിലെയ്ക്ക്
നമുക്കൊരുമിച്ചു നടന്നു കയറാം
ചൊല്ലി വിളിക്കാന് ഒരു പേരില്ലാ എങ്കിലും
ചൊല്ലി വിളിക്കാന് ഒരു പേരില്ലാ എങ്കിലും
ഈ സ്നേഹ തണലില് കഴിഞ്ഞു പോകാം ...