തെറ്റുകള് പല വിധം
അറിയാത്തൊരു കൈപ്പിഴ
മാപ്പ് പറഞ്ഞു
അവസാനിപ്പിക്കാവുന്നത്
നൊന്തവനും നോവിച്ചവനും
നൊന്തവനും നോവിച്ചവനും
ഒന്നു പോലെ മറന്നു കളയുന്നത് ...
മനസ്സറിയാതെ സംഭവിക്കുന്നത്
അറിയുന്ന നിമിഷം
മനസ്സാക്ഷിക്കു മുന്പിലൊരു
മാപ്പ് പറച്ചിലില് മായുന്നത് ...
പിന്നെ ചിലത് ...
ഒരിക്കലും തിരുത്താന് ആവാത്തത്
കൂട്ടുമ്പോളും കുറയ്ക്കുമ്പോളും
ശെരിയുത്തരം കിട്ടാത്തൊരു
കണക്കു പോലെ
തിരുത്താന് നോക്കും തോറും
കൂടുതല് തെറ്റിലേയ്ക്ക് ...
അഴിയുമ്പോളും മുറുകുമ്പോളും
വല്ലാതെ നോവിച്ചു
അഴിഞ്ഞകലാന് മടിച്ചു
അന്ത്യശ്വാസം വരെ ..
ഉണങ്ങാന് മടിക്കുമൊരു
വ്രണം പോലെ..