സ്നേഹം നനച്ചു,
മുല്ലകള്‍ പടര്‍ത്തുമെന്നു
ആരോ കൊതിപ്പിച്ച
മനസ്സിന്റെ മുറ്റം
കാറ്റും മഴയും
വെയിലുമറിയാതെ
നിന്‍റെ അധരസിന്ദൂരത്താല്‍
ചുവപ്പാര്‍ന്ന കവിളുകളില്‍
കണ്ണുനീര്‍ തുമ്പികള്‍
പാറിക്കളിച്ചതും എത്ര പൊടുന്നനെയാണ്?
കെട്ടിപിണഞ്ഞ കാട്ടുവള്ളികളെ പോലെ
ഉരുകിയൊന്നായി തീര്‍ന്ന മനസ്സുകള്‍
അഴിഞ്ഞകലുന്നത്
നാം അറിയുന്നതെയില്ലല്ലോ?
നിനക്കായി മാത്രം പൂത്തൊരു
ഇലഞ്ഞിയും
അതിന്‍റെ ചില്ലയിലെ ഊഞ്ഞാലും
മുക്കുറ്റിപ്പൂക്കള്‍ കോര്‍ത്തൊരു മാലയും
കാറ്റിന്‍റെ കൈകളില്‍ കളിക്കോപ്പാവുന്നു.
പ്രണയമിത്ര ക്ഷണികമായൊരു
മഴവില്‍ കാഴ്ചയാണോ?
മുല്ലകള്‍ പടര്‍ത്തുമെന്നു
ആരോ കൊതിപ്പിച്ച
മനസ്സിന്റെ മുറ്റം
കാറ്റും മഴയും
വെയിലുമറിയാതെ
ശിലയായി മാറുന്നതെത്ര വേഗമെന്നോ!!
നിന്‍റെ അധരസിന്ദൂരത്താല്‍
ചുവപ്പാര്‍ന്ന കവിളുകളില്‍
കണ്ണുനീര്‍ തുമ്പികള്‍
പാറിക്കളിച്ചതും എത്ര പൊടുന്നനെയാണ്?
കെട്ടിപിണഞ്ഞ കാട്ടുവള്ളികളെ പോലെ
ഉരുകിയൊന്നായി തീര്‍ന്ന മനസ്സുകള്‍
അഴിഞ്ഞകലുന്നത്
നാം അറിയുന്നതെയില്ലല്ലോ?
നിനക്കായി മാത്രം പൂത്തൊരു
ഇലഞ്ഞിയും
അതിന്‍റെ ചില്ലയിലെ ഊഞ്ഞാലും
മുക്കുറ്റിപ്പൂക്കള്‍ കോര്‍ത്തൊരു മാലയും
കാറ്റിന്‍റെ കൈകളില്‍ കളിക്കോപ്പാവുന്നു.
പ്രണയമിത്ര ക്ഷണികമായൊരു
മഴവില്‍ കാഴ്ചയാണോ?
