കടലെടുത്ത സ്വപ്‌നങ്ങൾ

 ഇനി പകർത്തുവാനൊരു ചിന്തയും ബാക്കിയില്ലാതെ
എഴുതാനൊരു വരിയും അവശേഷിക്കാതെ
ചേർത്ത് വയ്ക്കുവാൻ ഒരു സ്വപ്നവും ബാക്കിയില്ലാതെ
എന്നെ കടലെടുത്തു പോയെന്നു
 ഞാൻ പോലും അറിയാതെയറിയുമ്പോൾ
അവസാനത്തെ വേരും അറ്റ് പോയെന്നു ഉരുകെ
ഇതൾ നീർത്തി വിടരുന്നോരെന്റെ ചിറകുകൾ
അതിർത്തിയില്ലാത്ത ആകാശക്കാഴ്ചകൾ
മൗനം ഉറഞ്ഞൂറിയൊരു മുത്തായി
വിരിയുന്നൊരെന്റെ  മനസ്സിന് 
കാവലിരിക്കുന്നു ഞാൻ ..