പൊട്ടിയ ഒരു കല്ലുപെൻസിൽ
പച്ചക്കുപ്പിവളപ്പൊട്ടുകൾ
തടിയിൽ തീർത്ത
തിളങ്ങുന്ന കണ്ണുകളുള്ള
മാൻപേട
മിഠായി കടലാസ്സു കോർത്തൊരു മാല
ജീവിത സഞ്ചാരത്തിൽ
മുനകളൊടിഞ്ഞു മിനുസമാർന്ന
വെള്ളാരങ്കല്ലുകൾ
പെറ്റു പെരുകുമെന്നു
കള്ളം പറഞ്ഞു
കൂടെ പോന്ന മയിൽപീലികൾ
ജീവിതത്തിന്റെ ചെറിയ ഇടവേളയിൽ മാത്രം
എനിക്കും നിനക്കും മധുരിച്ച
പുഴവക്കത്തെ ചക്കരക്കല്ലുകൾ
നാലായി മടക്കിയ
മടക്കുകൾ പിഞ്ചിയ
റോസിലും ഇളം നീലയിലും
സ്നേഹ സൌഹൃദങ്ങൾ പകർന്ന
നിന്റെ അക്ഷരങ്ങൾ
കാലപ്പഴക്കത്തിൽ അവയിൽ നിന്നും
ചോർന്നു പോയ
സ്വപ്നങ്ങളും പ്രതീക്ഷകളും
എല്ലാ വാതിലുകളും തുറന്നിട്ടിട്ടും
പടി കടന്നു പോകില്ലെന്നുറച്ചു
മനസ്സിന്റെ കാണാമൂലയിൽ
ഒളിച്ചിരിക്കുന്നൊരു കാറ്റ്
മൌനത്തിൽ കുതിർന്നു
ഒച്ചയനക്കങ്ങൾ ഇല്ലാത്ത
ദിനങ്ങളിൽ
അനുവാദമില്ലാതെ വീശിയടിക്കുന്നു
ഏതിരുളിലും വഴികാട്ടിയാവുന്നു
ആത്മാവിലെരിയുന്ന കെടാവിളക്ക്
ശൈത്യത്തിൽ
കടുത്ത ഹിമാപാതങ്ങളിൽ
ഉറഞ്ഞുറഞ്ഞു പോകാതെ
പ്രാണനും ചൂടുമായി
നെഞ്ചിലൊരു നെരിപ്പോട്
ഇന്നലെകളുടെ മാറാല
തുടച്ചും
അടുക്കിയൊതുക്കിയും
പടിയിറങ്ങുമ്പോൾ
കാലിൽ തടയുന്നതൊരു
കടലാസ്സു പൊതി
പൊതി നിറയെ
റോസ് നിറത്തിൽ
തേൻ മിഠായികൾ
നാവിലും നെഞ്ചിലും അലിഞ്ഞു
സ്നേഹം നിറയ്ക്കുന്നു
വലിയ നോവുകളിൽ ഉലയാത്ത മനസ്സ്
ചെറിയ സന്തോഷങ്ങളിൽ പാറിപ്പറക്കുന്നു
പച്ചക്കുപ്പിവളപ്പൊട്ടുകൾ
തടിയിൽ തീർത്ത
തിളങ്ങുന്ന കണ്ണുകളുള്ള
മാൻപേട
മിഠായി കടലാസ്സു കോർത്തൊരു മാല
ജീവിത സഞ്ചാരത്തിൽ
മുനകളൊടിഞ്ഞു മിനുസമാർന്ന
വെള്ളാരങ്കല്ലുകൾ
പെറ്റു പെരുകുമെന്നു
കള്ളം പറഞ്ഞു
കൂടെ പോന്ന മയിൽപീലികൾ
ജീവിതത്തിന്റെ ചെറിയ ഇടവേളയിൽ മാത്രം
എനിക്കും നിനക്കും മധുരിച്ച
പുഴവക്കത്തെ ചക്കരക്കല്ലുകൾ
നാലായി മടക്കിയ
മടക്കുകൾ പിഞ്ചിയ
റോസിലും ഇളം നീലയിലും
സ്നേഹ സൌഹൃദങ്ങൾ പകർന്ന
നിന്റെ അക്ഷരങ്ങൾ
കാലപ്പഴക്കത്തിൽ അവയിൽ നിന്നും
ചോർന്നു പോയ
സ്വപ്നങ്ങളും പ്രതീക്ഷകളും
എല്ലാ വാതിലുകളും തുറന്നിട്ടിട്ടും
പടി കടന്നു പോകില്ലെന്നുറച്ചു
മനസ്സിന്റെ കാണാമൂലയിൽ
ഒളിച്ചിരിക്കുന്നൊരു കാറ്റ്
മൌനത്തിൽ കുതിർന്നു
ഒച്ചയനക്കങ്ങൾ ഇല്ലാത്ത
ദിനങ്ങളിൽ
അനുവാദമില്ലാതെ വീശിയടിക്കുന്നു
ഏതിരുളിലും വഴികാട്ടിയാവുന്നു
ആത്മാവിലെരിയുന്ന കെടാവിളക്ക്
ശൈത്യത്തിൽ
കടുത്ത ഹിമാപാതങ്ങളിൽ
ഉറഞ്ഞുറഞ്ഞു പോകാതെ
പ്രാണനും ചൂടുമായി
നെഞ്ചിലൊരു നെരിപ്പോട്
ഇന്നലെകളുടെ മാറാല
തുടച്ചും
അടുക്കിയൊതുക്കിയും
പടിയിറങ്ങുമ്പോൾ
കാലിൽ തടയുന്നതൊരു
കടലാസ്സു പൊതി
പൊതി നിറയെ
റോസ് നിറത്തിൽ
തേൻ മിഠായികൾ
നാവിലും നെഞ്ചിലും അലിഞ്ഞു
സ്നേഹം നിറയ്ക്കുന്നു
വലിയ നോവുകളിൽ ഉലയാത്ത മനസ്സ്
ചെറിയ സന്തോഷങ്ങളിൽ പാറിപ്പറക്കുന്നു
"വലിയ നോവുകളിൽ ഉലയാത്ത മനസ്സ്
ReplyDeleteചെറിയ സന്തോഷങ്ങളിൽ പാറിപ്പറക്കുന്നു"
സത്യമാണ്. പലപ്പോഴും കാത്തിരുന്നു കാത്തിരുന്നു കിട്ടുന്ന നേട്ടങ്ങളെക്കാൾ നിർവൃതി തരുന്നത് അപ്രതീക്ഷിതമായ കുഞ്ഞു കുഞ്ഞു നേട്ടങ്ങളാണ്!!
ഏതിരുളിലും വഴികാട്ടിയാവട്ടെ ആത്മാവിലെരിയുന്ന
ReplyDeleteകെടാവിളക്ക്.
നല്ല കവിത.
ചെറിയ സന്തോഷങ്ങളിൽ പാറിപ്പറക്കുന്ന മനസ് വലിയ നോവുകളിൽ ഉലയാതിരിക്കട്ടെ ....; ആ വലിയ മനസിനും കവിതയ്ക്കും ആശംസകൾ
ReplyDeleteനാരങ്ങാമിട്ടായിക്കുട്ടി :-)
ReplyDeleteഎല്ലാ വാതിലുകളും തുറന്നിട്ടിട്ടും
പടി കടന്നു പോകില്ലെന്നുറച്ചു
മനസ്സിന്റെ കാണാമൂലയിൽ
ഒളിച്ചിരിക്കുന്നൊരു കാറ്റ്
മൌനത്തിൽ കുതിർന്നു
ഒച്ചയനക്കങ്ങൾ ഇല്ലാത്ത
ദിനങ്ങളിൽ
അനുവാദമില്ലാതെ വീശിയടിക്കുന്നു
ഇത് ഞാന്‍ എഴുതാനിരുന്നതല്ലേ...നീ എന്തിനെഴുതി ? :-)
"....ജീവിതത്തിന്റെ ചെറിയ ഇടവേളയിൽ മാത്രം
ReplyDeleteഎനിക്കും നിനക്കും മധുരിച്ച
പുഴവക്കത്തെ ചക്കരക്കല്ലുകൾ..."
എത്ര നല്ല വരികള്‍.
നന്ദി.
എനിക്കും നിനക്കും മധുരിച്ച
ReplyDeleteപുഴവക്കത്തെ ചക്കരക്കല്ലുകൾ
thakarthu..............
നാലായി മടക്കിയ
ReplyDeleteമടക്കുകൾ പിഞ്ചിയ
റോസിലും ഇളം നീലയിലും
സ്നേഹ സൌഹൃദങ്ങൾ പകർന്ന
നിന്റെ അക്ഷരങ്ങൾ
കാലപ്പഴക്കത്തിൽ അവയിൽ നിന്നും
ചോർന്നു പോയ
സ്വപ്നങ്ങളും പ്രതീക്ഷകളും
മുഴുവന്‍ വരികളിലും മനസ്സിന്റെ മിന്നലാട്ടങ്ങള്‍ ദൃശ്യം.
സുന്ദരം.
ഇന്നലെയുടെ മാറലകൾ തട്ടി ഓർമ്മകൾ പുറത്തെടുക്കുന്നത് പുതിയതല്ലെങ്കിലും രചനയുടെ ഭംഗി അഭിനന്ദനീയം.
ReplyDeleteവലിയ നോവുകളിൽ ഉലയാത്ത മനസ്സ്
ReplyDeleteചെറിയ സന്തോഷങ്ങളിൽ പാറിപ്പറക്കുന്നു
വളരെ ഇഷ്ടപ്പെട്ടു
ഇഷ്ടപ്പെട്ടൂ....:)ഇത് വായിച്ചപ്പോള്‍ മനസ്സില്‍ വന്ന വരികള്‍ ഇതാണ്
ReplyDelete“ഓര്‍മ്മകള്‍ക്കില്ല ചാവും ചിതകളും ഊന്നു കോലും ജരാനരാ ദു:ഖവും“ ..വിജലക്ഷ്മി....
പുഴവക്കത്തെ ചക്കരക്കല്ലുകൾക്ക് ഒരു ജന്മം ജീവിപ്പിച്ചു തീര്ക്കാൻ ഉള്ള ശക്തി ഉണ്ടല്ലേ ...ഒരു ജീവാമൃതം പോലെ
ReplyDeletesheeja