Wednesday, October 12, 2022

 തിളയ്ക്കുന്ന വെയിലുള്ള 

ഉച്ചയാകാശം, 

മുരിങ്ങച്ചുവട്ടിൽ 

കാറ്റൊരു മയക്കത്തിലാണ് ,

ജനലരുകിലെ ചെമ്പകത്തിലിന്നു 

എനിക്ക് വേണ്ടി വിരിഞ്ഞ ഒറ്റപ്പൂവ് ,

തനിച്ചിരുന്നെന്തോ പിറുപിറുക്കുന്നു ,

നന്ദ്യാർ വട്ടത്തിന്റെ ചില്ലകളിൽ 

അങ്ങോട്ടിങ്ങോട്ടെന്നു 

മെല്ലെ പറന്നു കളിക്കുന്നുണ്ടൊരുപ്പൻ ,

മേഘങ്ങളിൽ പല രൂപങ്ങൾ 

എഴുതിയും മായ്ച്ചും 

വിരസതയകറ്റുന്ന ആകാശം.

No comments:

Post a Comment