പേടിക്കുമ്പോളും ഒറ്റയ്ക്കാവുമ്പോളും 

മേശയ്ക്കടിയിൽ 

കണ്ണും പൂട്ടി ഇരിക്കുന്നൊരു കുഞ്ഞുണ്ടായിരുന്നു ..

ഐ സി യുവിന്റെ തണുപ്പിൽ 

അവൾ വീണ്ടും വന്നു ,

നെറ്റിയിലൊരുമ്മ വച്ച് 

ചേർത്ത് പിടിച്ചു, 

നിനക്ക് ഞാനുണ്ടെന്നു 

പലകുറി ആവർത്തിച്ചു 

എന്തെല്ലാം കടന്നു പോയതാണ് ,

ഇനിയെത്ര കുറച്ചേ മുന്പിലുള്ളുവന്നു

ആവർത്തിച്ചു പറഞ്ഞു .

ആ  കുഞ്ഞു കൈകളിൽ 

മുറുകെ  പിടിച്ചാണ് 

ഞാൻ ഈ പുഴ കടക്കുന്നത് ...