ഓടിൻ മുകളിൽ താളം പിടിക്കുന്ന മഴ, 

പൂമൊട്ടുകളിൽ  ആരും കാണാതെ ഉമ്മ വയ്ക്കുന്നു , 

ഇലകളെ ചേർത്ത് പിടിച്ച്‌  ,

ഇരുട്ടിനോട് സ്വകാര്യം പറയുന്നു.

മിന്നി മിന്നി കത്തുന്ന 

വഴി വിളക്കിനെ കളിയാക്കുന്നു ,

കാറ്റിന്റെ ഗതിക്കനുസരിച്ചു 

ചാഞ്ഞും ചെരിഞ്ഞും പെയ്തെന്റെ പുസ്തകത്താളുകളെ നനയ്ക്കുന്നു ,

സ്വപ്നം മയങ്ങുന്ന 

കണ്ണുകളെ തൊട്ടു തലോടുന്നു ,

നോവുകൾക്ക് പകരമായൊരു 

പുഞ്ചിരിയാ ചുണ്ടിൽ 

കൊരുത്തു വയ്ക്കുന്നു....